Zaev: Ziadin Sela për mua është hero

“Ziadin Sela na tha se do të qëndronte me ne deri në fund. Sela për mua është hero”, theksoi Zoran Zaev, kryetar i Lidhjes Social Demokratike Maqedonase

Lideri i opozitës maqedonase, Zoran Zaev e cilëson si hero deputetin e Aleancës për Shqiptarët, Ziadin Sela, i cili u rrah brutalisht të enjten e kaluar nga protestuesit e dhunshëm maqedonas, mbështetës të VMRO DPMNE-së, në Kuvendin e Maqedonisë. Lideri i LSDM-së, Zaevi i ftuar në emisionin “Click Plus” ka treguar për trimërinë e Selës në Kuvend.

“Ziadin Sela na tha se do të qëndronte me ne deri në fund. Sela për mua është hero”, theksoi Zoran Zaev, kryetar i Lidhjes Social Demokratike Maqedonase, i cili gëzon mbështetjen e shumicës parlamentare për kryeministër të Maqedonisë.

Ai tha se nuk e di se si ka përfunduar në atë gjendje dhe se nuk e di se kanë arritur huliganët ta marrin Selën nga kordoni që kishin krijuar në një qoshe të sallës së konferencës për shtyp në Parlament. Zaev tha gjithashtu se erdhën disa huliganë dhe i thanë se Ziadin Sela është i vdekur dhe se tani radhën e ka ai.

Ndryshe, qindra huligan, mbështetës të partisë së ish kryeministrin NIkolla Gruevski, hyrën dhunshëm në Kuvendin e Maqedonisë dhe rrahën brutalisht deputetët e opozitës maqedonase dhe ata shqiptarë. Më së keqi e përjetuat lideri opozitar Zoran Zaev dhe ai shqiptar, Ziadin Sela. Madje për këtë të fundit, huliganët kishin menduar se ka vdekur nga rrahja brutale.