Muzikë

Zëri i artit shqiptar në Zvicër

E martë, 24 Gusht 2021 - 21:00 Zamira Bytyqi

Të shtunën, më 21 gusht, në qiellin e hapur të qendrës së Renens tingëllonte zëri i artit shqiptar, ishin mbledhur të gjithë nacionalitetet e huaja, ku në mesin e tyre nuk mungoi as popullata shqiptare e kantonit VD, e cila ishte organizuar nga Sektori i Integrimit të Komunës së Renens.

Në fillim të mbrëmjes u shfaq ekrani gjigant, me filmin e prezentuar ‘’Zvicra”, një film dokumentar i realizuar nga dy regjisorët, njëri shqiptar e tjetri zvicran, e që do të vazhdojë turnen e shfaqjes në disa qytete të Zvicrës frankofone dhe më pas do të transmetohet në RTS (Radio televizionin zvicran) në nëntor.

Flitet për aktualitetin e tanishëm: filmi trajton identitetin zviceeran, përmes komunitetit të madh kosovare që gjendet në Zvicër. Origjina e tij filloi të gjurmohet që nga ndeshja Zvicër-Shqipëri gjatë Euro 2016, midis vëllezërve Xhaka. Në atë kohë, shumë media kombëtare (Le Temps, 24heures, LeMatin. ch, 20 minuta në internet) tashmë po merreshin me këtë çështje vërtete publike, thotë regjisori Benoît Goncerut.

Ai shton që: Zvicra është përballur gjithmonë me një pyetje të fortë të identitetit. Si kurse unë që jam “zviceerane i vërtetë” – e në vitin 2018 i kam bërë pyetje vetës shumë herë, e që ishte shumë e vështirë për mua të kuptoj se çfarë do të thotë “të jesh zviceeran”? Identitetet tona nuk janë vendosur në gur, ato evoluojnë dhe ndryshojnë.

Përshtaten me kalimin e kohës. Prandaj: filmi vë në dyshim evolucionin e ADN-së së vendit tonë, sipas valëve të ndryshme të emigracionit.

Filmi Zvicra është prodhuar nga Visceral Films, në bashkëprodhim me Radio Televizionit të Zvicrës (RTS). Filmi është shkruar dhe drejtuar nga Fisnik Maxhuni dhe Benoît Goncerut.
Imazh dhe redaktimi nga Jules Guarneri dhe muzikë e kompozuar nga Goris Bétaz.

Poster: Antoine Brack

Mbas përfundomit të filmit Zvicra, instrumentet morën vendin e tyre, dhe startoi kënga Në tren për Prezeren, Mihane, xhamadani vija-vija, Molla me shërbet, ku kësaj mbrëmje i dhe tingull grupi me këngët e rockut kosovar ART BAND, një grup nga Lozana, të cilët performuan muzikën shqipe.

Ritmi, muzika e bukur, performanca e shkëlqyer e këtyre djemve që e bërën me shume pasion dhe me profesionalizëm, ishin në nivel të lartë artistik, ku kjo vu re nga disponimi i të gjithë pjesëmarrësve.
Arti është identiteti ynë kulturor, që na bën të ndjehemi krenarë me atë që prezentojmë kudo që jemi. Andaj, kjo i tejkalon të gjitha barrierat, sepse arti është diçka universale, shprehet vokalisti dhe gitaristi i grupit, Flamur Sherifi. Hitet që lanë gjurmë ndër vite nga grupet legjendare shqiptare, atë mbrëmje jehuan deri në orët e vonshme të mbrëmjes nën tingujt e ART Band.

Zamira Bytyqi