Zhegrova me asistim “alla Messi” kundër skuadrës së Kolollit

Edon Zhegrova ka pasur sonte një paraqitje supër të mirë për Baselin, në derbin e kësaj jave në Super Ligën e Zvicrës kundër FC Zurichut

Lojtari i Kombëtares se Kosovës u inkuadrua në lojë nga minuta e 31-të te ndeshjes pasi që e zëvendësoi Kevin Bua që u lëndua në këtë takim.

Kurse kosovari pati gisht në dy golat e fundit të shënuar kundër FC Zurichut.

Fillimisht ai e nisi aksionin e parë në golin e tretë të Fabian Frei në minutën e 80-të kurse katër minuta me vonë, Edon Zhegrova bëri një pasim “alla Messi”, me plot magji brenda për të njëjtin lojtar për të shënuar golin e katër, shkruan gazetaexpress, përcjell Albinfo.ch