Lajme

Zvicër: 619 infeksione dhe një vdekje në 24 orët e fundit

Mesatarja e 7 ditëve të fundit është ngritur në 398 raste të reja në ditë që është 82 për qind më shumë se në javën e kaluar

Zyra Federale e Shëndetit Publik (BAG) ka raportuar 619 raste të reja pozitive me koronavirusin në 24 orët e fundit.

Mesatarja e 7 ditëve të fundit kështu është ngritur 398. raste të reja në ditë që është 82 për qind më shumë se në javën e kaluar, raporton srf.ch.

Me trendin aktual, mesatarja 7-ditore e infeksioneve të reja dyfishohet afërsisht për çdo 8 ditë, transmeton albinfo.ch. Incidenca 14-ditore aktualisht është 52.85.

Shkalla mesatare pozitive në 7 ditët e fundit është 1.8 për qind. Krahasuar me javën e kaluar, norma pozitive është rritur me 1 pikë përqindje.

Numri i testeve të kryera në javën e fundit është 27.058 teste në ditë dhe kështu është rritur me 7 për qind krahasuar me javën e mëparshme.

BAG raporton një person të vdekur brenda 24 orëve të fundit.

Aktualisht BAG raporton 83 persona që po trajtohen në spitale për Covid-19, përcjell albinfo.ch. Kjo është 11 për qind më shumë se në javën e kaluar.

Shtretërit e kujdesit intensiv në spitalet zvicerane (përfshirë shtretërit ad hoc) janë aktualisht 72 për qind të shfrytëzuara.

Nga këta, 3 përqind janë të zënë nga të sëmurët nga Covid 19.


LAJME INTERESANTE NGA INTERNETI