Zvicër: A do të vazhdojë rritja e çmimeve?

Ekspertët e industrisë kanë pikëpamje të ndryshme. Për disa kulmi do të arrihet deri në verë, sipas të tjerëve do të duhet të presin më gjatë

A ka gjasa që rritja e çmimit të vazhdojë? Në qershor ato u rritën me 3.4% krahasuar me një vit më parë. Sipas raportimeve të Blick, prej 30 vjetësh nuk ka pasur një rritje të tillë, transmeton albinfo.ch.

Parashikimet

Por, çfarë të ardhme mund të presim? Sipas Bankës Kombëtare të Zvicrës, inflacioni do të arrijë kulmin deri në fund të verës. Në atë pikë, çmimet duhet të rriten më pak intensivisht, edhe nëse ato nuk do të bien. Parashikimi i Jan-Egbert Sturm i Qendrës për Kërkime Ekonomike ETHZ është i një përmbajtje tjetër. Ai beson se nuk ka gjasa që situata të normalizohet para vjeshtës. Për të kundërshtuar rritjen e çmimeve, Sturm shpreson në masa kompensimi, të cilat megjithatë duhet të jenë adekuate dhe “të arsyeshme”.

Klaus Wellershoff, ekonomist, nuk sheh shpresa të mëdha për të ardhmen. Në të vërtetë, fakti që punëtorët kërkojnë paga të përshtatshme mund të ndihmojë që inflacioni të zgjasë për një kohë të gjatë, transmeton tutje albinfo.ch.

 

---