Zvicër: Një i vdekur nga orteku në Crans-Montana

Keystone

Një nga njerëzit e shpëtuar nga orteku në resortin zviceran të skive të Crans-Montana vdiq në spital gjatë natës. Tre persona të tjerë u plagosën nga orteku i madh që goditi të martën. Ekipet e shpëtimit pezulluan një kërkim të koordinuar të mërkurën në mëngjes.

Personi i vdekur ishte një shtetas francez 34-vjeçar, i cili ka punuar në një vendpushim skish në Francë, tha policia.

Ekipet e shpëtimit punuan gjithë natën mbi vendpushimin në kantonin Valais në përpjekjet për të gjetur skiatorët që mund të ishin bllokuar në ortek. Dëshmitarët i kishin thënë policisë se mund të kishte më shumë njerëz nën borë.

Të martën, një ortek i madh përfshiu malin në një lartësi prej 2500 metrash, pikërisht poshtë Glacierit të Plaines-Morte dhe goditi  pistën e famshëm të skive Kandahar në orën 2.20 në një vend të njohur si “Passage du Major”.

Kjo video nga radioja zvicerane publike, RTS, tregon shkallën e ortekëve. Policia tha se matet mbi 840 metra i gjatë dhe 100 metra i gjerë dhe përhapet mbi pistë për rreth 400 metra.

Shërbimet e shpëtimit ishin menjëherë në vend dhe kërkimi vazhdon. Tetë helikopterë dhe më shumë se 240 policë dhe punonjës të shpëtimit janë të përfshirë në operacionin e emergjencës, duke përfshirë oficerët e ushtrisë, të cilët ishin aty për të ndihmuar në përgatitjen për dy garat e Kupës Botërore të Alpeve për femra fundjavën e ardhshme, përcjell albinfo.ch.

Një raport i gazetës Le Nouvelliste me qendër në Valais citoi presidentin e komunës, Nicolas Feraud, të thoshte se 10 deri në 12 persona besohej të ishin bllokuar në  dëborë.