Lajme
Zvicër: Parlamenti ua zbret për 60% qiranë bizneseve të dëmtuara
Pas Dhomës Nacionale ditë më parë, edhe Dhoma e Kantoneve (Senati) gjithashtu ka votuar sot në favor të kësaj rregulloreje
Bizneset e vogla të cilave u është dashur të mbylleshin për shkak të masave federale kundër koronavirusit, duhet të paguajnë jo më shumë se 40 për qind të qirasë së zakonshme për periudhën në fjalë.
Këtë vendim e ka marrë ditë më parë Dhoma Nacionale e Parlamentit të Zvicrës, shkruan srf.ch.
Pas Dhomës Nacionale, edhe Dhoma e Kantoneve (Senati) gjithashtu ka votuar (sot) në favor të kësaj rregulloreje, transmeton albinfo.ch. Votimi në këtë dhomë ishte i ngushtë me 20 vota pro, 19 vota kundër dhe 4 abstenime.
Këshilli Federal është shprehur vazhdimisht kundër rregullimit. Qiramarrja e pjesshme është një ndërhyrje në garancinë e pasurisë, sipas tij.
Nga kjo do të përfitonin gjithashtu zinxhirët ndërkombëtarë dhe jo vetëm dyqanet e vogla, përcjell albinfo.ch. Këshilli Federal dëshiron që qiramarrësit dhe pronarët të arrijnë në një marrëveshje të drejtpërdrejtë lidhur me pagesën e qirasë.
Sidoqoftë, sipas vendimit të tashmë të dy dhomave të parlamentit, shuma e mbetur e qirasë, pra 60 për qindëshi i saj do t`i vihet barrë qiradhënësit, transmeton albinfo.ch.
Në seancën e jashtëzakonshme të mbajtur në maj, dy Dhomat e Parlamentit nuk patën rënë dakord për një marrëveshje të tillë qiramarrjeje.
Të ngjashme
Të tjera nga Lajme
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit