Tematike
Zvicër: Qeveria jep dritën jeshile për vaksinimin e katërt kundër koronës
BAG dhe Komisioni Federal për Vaksinimin po përshtatin rekomandimin e vaksinimit për njerëzit me sistem imunitar të dobësuar rëndë
Pacientët me rrezik të lartë mbeten në rrezik të madh për t’u sëmurë rëndë me Covid-19. Pavarësisht nëse kanë bërë disa vaksinime, ata nuk mund të krijojnë mbrojtje të mirë imune kundër Sars-CoV-2. Për këtë arsye, BAG dhe Komisioni Federal për Çështjet e Vaksinimit (EKIF) po rekomandojnë tani, për herë të parë, një vaksinim përforcues për njerëzit me sistem imunitar të dobësuar rëndë, shkruan albinfo.ch.
Në një njoftim për shtyp, Zyra Federale e Shëndetit Publik shkruan: “Pacientët me sistem imunitar të dobësuar rëndë vazhdojnë të kenë një rrezik të lartë të zhvillimit të sëmundjeve të rënda nga Covid-19. Pavarësisht vaksinimit të përsëritur kundër Sars-CoV-2, ata nuk mund të krijojnë mbrojtje të mirë imune. Për këtë arsye, BAG dhe EKIF rekomandojnë një vaksinim të dytë përforcues për këtë grup njerëzish. Parakusht për këtë është që një specialist të konstatojë se personi është në gjendjen që i duhet vaksinimi”.
BAG ofron informacion rreth vaksinimeve përforcuese për udhëtarët
Megjithatë, BAG përmbahet nga vaksinimi përforcues për gjithë popullatën. “Aktualisht nuk ka nevojë për vaksinim të mëtejshëm përforcues për popullatën e gjithmbarshme. Sipas të dhënave aktuale, secili që është vaksinuar plotësisht ose është vaksinuar dhe shëruar, është ende i mbrojtur mirë nga sëmundja e rëndë Covid 19”, thuhet në njoftimin e BAG.
BAG dhe EKIF do të japin informacione në lidhje me rekomandimet e tyre të vaksinimit për vjeshtë dhe dimër 2022/23 më së voni përpara pushimeve verore, shkruan albinfo.ch. Ekziston një gamë skenarësh të mundshëm për vjeshtën.
Po hulumtohen mënyra për njerëzit që kanë nevojë për një injeksion përforcues në rast të udhëtimit të ardhshëm në verë ose në vjeshtë për të siguruar qasje në kohë.
Certifikatat lëshohen ende për vaksinat (imunizimet primare, vaksinat përforcuese), për vërtetimin e një infeksioni me një test PCR ose për një rezultat negativ të testit.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Pse 1 maji nuk është festë publike kudo në Zvicër? Dita Ndërkombëtare e Punëtorëve shënohet më 1 maj, por vetëm disa pjesë të Zvicrës e festojnë...
-
E hëna në Zvicër: Përmbledhje e lajmeve më të fundit
-
Çfarë do të votohet në Cyrih më 9 qershor?
-
Rriten rastet e abuzimit psikologjik të fëmijëve në Zvicër
-
Zvicër: Priten qira akoma më të shtrenjta gjatë vitit të ardhshëm