Zvicër: Qeveria shtyn për 24 shkurt vendimin për zbutjen e masave

Më afër mendsh do të ishte që masat e marra në hapin e fundit të bllokimit, d.m.th. detyrimi për maskë dhe punë nga shtëpia (Home Office), do të hiqen nga rendi i ditës

Këshilli Federal do të marrë një vendim mbi lehtësimin e mundshëm të masave më 24 shkurt dhe jo më 17 shkurt siç ishte paralajmëruar

Të enjten, ministri Alain Berset në gazetën  “Le Nouvelliste” ka folur rreth lehtësimit të mundshëm të masave të koronavirusit. Me atë rast ai ka theksuar se Këshilli Federal do të mblidhej më 17 shkurt për të diskutuar se si të veprohet më tutje. S

“Këshilli Federal do të vendosë javën tjetër për veprimin e mëtejmë. Atëherë do të ketë një konsultë me kantonet”, përshkruan procedurën Berset. Vendimet e ardhshme do të merren jo më parë se më 24 shkurt.

Siç shkruan “Tages-Anzeiger”, duke ju referuar burimeve të afërta me qeverinë së shtetit, është e vërtetë se janë planifikuar lehtësime. Sidoqoftë, kushdo që pret se pas kësaj të përfundojë bllokimi, është i gabuar.

Cilat masa do të zbuten?

Siç shkruan gazeta, megjithatë mund të priten disa lehtësime, transmeton albinfo.ch. Është e paqartë se si do të duken saktësisht këto. Më afër mendsh do të ishte që masat e marra në hapin e fundit të bllokimit, d.m.th. detyrimi për maskë dhe punë nga shtëpia (Home Office), do të hiqen nga rendi i ditës, përcjell albinfo.ch. Është gjithashtu e mundur që dyqanet  të lejohen të hapin dyert e tyre përsëri.

Presioni politik mbi Këshillin Federal po rritet. Sidoqoftë, Berset njoftoi të enjten se nuk do të jetë e mundur të hiqen të gjitha masat në fund të shkurtit. “Duhet të kemi kujdes. Këshilli Federal e kupton zhgënjimin në popullatë. Këshilli Federal do të dëshironte gjithashtu lehtësimin, kjo është e qartë “.

---