Zvicër: Rimëkëmbja ekonomike vonohet si rezultat i valës së dytë COVID-19

KEYSTONE 2020

Ekonomia zvicerane do të tkurret këtë tremujor dhe do të rimëkëmbet më ngadalë sesa pritej më parë në 2021, përderisa kufizimet e reja për të ndaluar përhapjen e Covid-19 në Evropë dhe gjetkë po aplikohen.

Sekretariati Shtetëror i Zvicrës për Çështjet Ekonomike sheh që produkti i brendshëm bruto të zgjerohet 3.2% vitin e ardhshëm, më ngadalë se 4.2%, që ishte parashikuar më parë, duke thënë se situata është jashtëzakonisht e pasigurt dhe valët e mëtejshme të masave pandemike dhe kontrollit do të “rrisin probabilitetin e efekteve të raundit të dytë ekonomik siç janë shkurtimet në shkallë të gjerë të vendeve të punës dhe paaftësia paguese e korporatave”.

Rreziqet që lidhen me borxhin më të lartë të qeverisë dhe kompanisë gjithashtu do të rriten. Si shumë nga fqinjët e saj, Zvicra pësoi recesionin e saj më të thellë në dekada për shkak të Covid-19, me shpresat për një ringjallje ekonomike të mbështetur në shpërndarjen e vaksinave. Përpjekja e Zvicrës për të imunizuar publikun mund të fillojë në janar, shkruan swissinfo.ch, përcjell albinfo.ch.