Lajme
Zvicër: Shkallë e lartë e vdekjeve nga dhuna në familje
Numri i grave që vdesin si rezultat i dhunës në familje është më i lartë në Zvicër sesa në shumë vende të tjera të Evropës, thotë Le Matin Dimanche, duke u mbështetur në raportin e saj mbi statistikat e Eurostat.
Në vitin 2017, pati 0.40 vrasje të grave për 100,000 gra, krahasuar me 0.13 në Greqi, 0.27 në Spanjë, 0.31 në Italinë fqinje dhe 0.35 në Mbretërinë e Bashkuar.
Sidoqoftë, fqinjët e tjerë të Zvicrës treguan një normë më të lartë: Franca me 0.50 dhe Gjermania me 0,55.
Nora Markwalder, profesoreshë ndihmëse e kriminologjisë në Universitetin e St Gallen, tha se në përgjithësi shkalla e vrasjeve në Zvicër kishte rënë ndjeshëm në krahasim me vitet 1980 dhe 1990, por rënia ishte më pak në ambientet e brendshme.
“Hipoteza jonë është se ulja e numrit të ushtrisë në fillim të viteve 2000 si dhe masa të ndryshme legjislative për mbajtjen më të mirë të kontrollit të armëve [në shtëpi] kanë luajtur një rol,” tha ajo.
Sidoqoftë, shumica e vrasjeve kryhen me thika, theksoi ajo.
Lorella Bertani, avokate e specializuar për të ndihmuar viktimat e dhunës në familje, beson se “në aspektin e statistikave, sipas grupmoshës, dhuna në familje vret më shumë gra sesa pirja e duhanit, alkooli”.
Vrasjet ndodhin sepse disa burra i konsiderojnë gratë pronë e tyre, tha ajo. Duhet më shumë punë parandaluese, shtoi Bertani, gjithashtu në mësimin e respektimit të djemve, përcjell Albinfo.ch.
Të ngjashme
Të tjera nga Lajme
E-Diaspora
-
Kurti dhe Rozeta Hajdari vizituan Panairin e “Hannover Messe 2024” Gjermani: Ministrja e Industrisë, Ndërmarrësisë dhe Tregtisë, Rozeta Hajdari, së bashku me kryeministrin e Republikës së...
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë