Shkurt.ch

Zvicër: Vazhdojnë protestat për çështjen klimatike

Tubimet e protestat për çështjen klimatike po vazhdojnë të zhvillohen edhe në Zvicër, si pjesë e lëvizjeve botërore “greva klimatike”, e udhëhequr nga të rinjtë.

Më shumë se 20 mijë persona nga 25 qytete të vendit kanë marrë pjesë në këto tubime, sipas Agjencisë zvicerane të lajmeve. Këtu përfshihen edhe 10 mijë protestues nga Cyrihu dhe rreth katër mijë nga kantoni i Bernës, përcjell albinfo.ch.

Sipas policisë, në Lozanë protestuan rreth 4500 njerëz, kurse në Gjenevë rreth 2500. Ky numër ishte më i madh në protestën e kaluar.

Disa nga slloganet në pankartat e protestusve ishin “Bora duhet të vazhdojë” dhe “Zhvendosje në Mars ose ruani planetin”.

Përveç se në Zvicër, aksione të ngjashme po mbahen në 107 vende të botës, si pjesë e grevës klimatike, të inicuar nga nxënësja suedeze Greta Thunberg, përcjell albinfo.ch.