Njerëzit në Zvicër po përfshihen gjithnjë më shumë në ethet e fitimit përmes lojërave të fatit. Kështu, zviceranët gjatë vitit të kaluar kanë shpenzuar afër 3 miliardë franga për llotari dhe lojëra tjerat sportive të fatit. Kjo shifër është për 230 milionë franga më shumë se një vit më parë, shkruan srf.ch.

Zyra Federale e Drejtësisë këtë ngritje ia atribuon para së gjithash jackpotit rekord prej 70 milionë frangash që në fund të vitit 2016 ishte arritur në “Swiss Lotto”.

Afër gjysma e gjithë shumës së parave të shpenzuara për lojëra shpërblyese ka shkuar për “Swiss Lotto” dhe “Euro Millions”, transmeton albinfo.ch.

Ndërkaq, nga kjo shumë 1.98 miliardë franga janë paguar në formë fitimesh, 630 milionë franga kanë shkuar në fondet kantonale të lotarive dhe ato sportive si dhe në fondet e federatave sportive.