Zviceranët nxjerrin nga arkiva mrekullinë e Shaqirit

Ju kujtohet goli spektakular i Xherdan Shaqirit në kampionatin europian të 2016-ës me Zvicrën kundër Polonisë? E ky gol pa dyshim vazhdon të kujtohet me nostalgji dhe emocione në tokën helvete.

Së fundi media e njohur zvicerane e sportit “Blick Sport” e ka zgjedhur golin e futbollistit të Liverpulit në rundin e 1/16 të EURO 2016, ku shënoi fluturimthi golin më të bukur të turneut të kontinentit të vjetër.

Ai gol është zgjedhur si njëra prej kartolinave për festat e fundvitit dhe perla e Shaqirit do të kujtohet gjatë në zviceranët, përcjell albinfo.ch.