Zvicra, 15 milionë franga për krizën e urisë në Afrikë

Duke bërë këtë veprim, Zvicra i është përgjigjur apelit për ndihma që ka bërë sekretari i përgjithshëm i OKB-së, Antonio Guterres

Si reaksion ndaj krizës aktuale të urisë në Afrikë, Zvicra u lë vendeve të prekura 15 milionë franga në dispozicion.

Siç bën të ditur Ministria e Punëve të Jashtme, Zvicra duke bërë këtë veprim i është përgjigjur apelit për ndihma që ka bërë sekretari i përgjithshëm i OKB-së, Antonio Guterres.

Paratë që do t`i dhurojë Zvicra janë pjesë e mjeteve që vendi ndan për ndihma emergjente.