Zvicra dhuron vaksinën AstraZeneca për vendet në nevojë

5.3 milionë doza do të shpërndahen për vendet në nevojë

Zyrtarisht vaksina AstraZeneca nuk do të përdoret në Zvicër. 5.3 milionë doza qeveria urdhëroi t’u dhurohen kombeve ku ka mungesë të vaksinave Covid, transmeton albinfo.ch.

Autoritetet vendosën të heqin dorë nga kjo vaksinë, sepse preferojnë të mbështeten te produktet Pfizer / Biontech dhe Moderna, të cilat përdorin teknologjinë ARN, që besohet të jetë më efektive kundër sëmundjes dhe varianteve të saj, sipas një raporti në SonntagsZeitung.

Një arsye tjetër është se reputacioni i AstraZeneca ka pësuar pasi disa njerëz kanë zhvilluar efekte anësore të rralla dhe kanë vdekur pasi u janë dhënë doza të vaksinës. /Albinfo.ch

---