Lajme
Zvicra e shet edhe ajrin
Zvicra është një vend i shtrenjtë dhe shpesh kritikohet për çmime, madje edhe për shitjen e ajrit. Por, ajri i pastër nga Alpet po shitet në qytetet e ndotura aziatike
Edhe pse ka marrë çmimin për “transportin më absurd”, ajri i pastër nga Alpet zvicerane dërgohet kryesisht në Azi, rreth 20,000 kilometra larg nga Zvicra, duke gjeneruar ndotje të tepërt, përcjell albinfo.ch.
“Shitja e ajrit alpine si një e mirë e konsumatorit është tronditëse. Transportimi i këtyre kanaçeve prej alumini që përmbajnë ajër, thjesht shkakton emetimin e CO2 dhe është krejtësisht i padobishëm”, është shprehur Jon Pult, presidenti i Nismës Alpine.
Drejtori i Swiss Air Deluxe, Markus Klinkmüller, ishte i pranishëm në ceremoninë e ndarjes së çmimeve, por tha se ai nuk e meriton një dallim të tillë të dyshimtë. “Ne përfitojmë nga hapësirat e papërdorura në anije transporti kur ato kthehen në Azi, kështu që gjurma jonë ekologjike është afër zeros”, tha ai.
Ky produkt, i cili shitet për CHF 20 një shishe, është reklamuar në faqen e internetit të kompanisë si “9 litra ajër të pastër malor zviceran të mbledhur në një lartësi prej 3000 metrash”, përcjell tutje albinfo.ch.
Pavarësisht kritikave, kompania nuk e ka ndërmend të ndalet dhe do të vazhdojë të shesë ajrin e pastër të Alpeve zvicerane në qytetet e ndotura të Azisë.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?