Zvicra, e shqetësuar nga barrikadat serbe dhe tensionet në Kosovë

Zvicra është e shqetësuar për tensionet në rritje dhe ngritjen e barrikadave, thuhet në një reagim nga Departamenti Federal i Punëve të Jashtme

Në vazhdën e rinisjes së tensioneve mes dy shteteve ballkanike, Zvicra ka bërë sot thirrje për masa të menjëhershme kundër përshkallëzimit, transmeton albinfo.ch.

Zvicra është e shqetësuar për tensionet në rritje dhe ngritjen e barrikadave, thuhet në një reagim nga Departamenti Federal i Punëve të Jashtme (FDFA), i publikuar në Twitter të hënën.

Një serb etnik është arrestuar për sulme të supozuara në qendrat e planifikuara të votimit në Kosovë. Si kundërpërgjigje, ka pasur disa bllokada rrugore dhe shkëmbime zjarri me policinë në veri të vendit, i cili është kryesisht i populluar me serbë.

Edhe presidenti serb Aleksandar Vuçiq ka bërë të ditur se synon të zhvendosë ushtarët në Kosovë.

---