Zvicra ende nuk ka vendosur nëse do të hapë kufirin me Italinë

Italia po përgatitet të rihapë kufijtë e saj me pjesën tjetër të Evropës

Një projektligj për rregullat e reja u botua më 15 maj 2020 nga Këshilli i Ministrave Italianë. Ai siguron mundësinë e lejimit të hyrjes së të huajve në Itali nga 3 qershori 2020 pa detyrimin e tyre për të hyrë në karantinë prej 14 ditësh. Hyrja përfshint vendet e BE-së dhe anëtarët e Shengenit, përfshirë Zvicrën dhe Monakon, përcjell albinfo.ch.

Vendimi ishte i njëanshëm, kështu që nuk përfshin udhëtarët që hyjnë në Zvicër nga Italia. Në një intervistë për transmetuesin zviceran SRF, Karin Keller-Sutter, kishte thënë: “Zvicra do të vendosë në mënyrë të pavarur nëse do t’i lejojë njerëzit nga Italia të hyjnë në Zvicër, në kohën e kërkuar.”

Ajo ka thënë po ashtu: “Është gjithashtu e rëndësishme për mua që të konsultohemi ngushtë me Kantonin e Ticino-s për këtë çështje, kanton ky që u prek shumë keq nga pandemia”, përcjell albinfo.ch.

Norman Gobbi, një këshilltar i Ticino-s, i tha televizionit RSI se është i shqetësuar për pasojat e mundshme që mund të ketë një hapje e kufirit mbi situatën epidemiologjike në kanton.

Më vonë, mjeku kantonal Giorgio Merlani i kishte thënë RSI-së: “Motivimi nga pikëpamja ekonomike është i qartë, nga ajo shëndetësore, veçanërisht duke parë evolucionin epidemiologjik në veri të Italisë, i cili është akoma i pasigurt. Nga këndvështrimi shëndetësor, është një vendim befasues”.

---