Futboll

Zvicra fiton 3:0 në tavolinë ndaj Ukrainës

Takimi i pazhvilluar i 17 nëntorit është regjistruar me shifrat 3:0 për Nati-n

UEFA i dha fitoren Zvicrës 3:0 në tavolinë për ndeshjen me Ukrainën, që ishte dashur të zhvillohej më 17 nëntor në Lozanë.

Dy futbollistë ukrainas kishin rezultuar pozitivë ndaj koronavirusit dhe autoritetet e qytetit i vendosën menjëherë në karantinë në hotel dhe nuk lejuan që pjesa e mbetur e lojtarëve të shkonin në stadium për ndeshjen.

Pasi nuk ka data të lira për rikuperimin e kësaj ndeshjeje, UEFA vendosi t’i japë fitoren 3:0 në tavolinë Nati-t, që ngjitet kështu në kuotën e gjashtë pikëve në grup dhe shmang rënien një Ligë më poshtë, përcjell albinfo.ch.

Ukraina, që jo vetëm humb ndeshjen në tavolinë jo për faj të saj, por edhe do të detyrohet të zbresë një ligë më poshtë, pasi në edicionin e ardhshëm do të garojë në Ligën B, ku bën pjesë edhe Shqipëria.