Zvicra, fitore për prestigj kundër Malit të Zi

Në fitoren 2:0 të Zvicrës kanë kontribuuar katër lojtarë shqiptarë: Behrami, Shaqiri, Mehmedi e Xhaka

Në ndeshjen e sontme të saj kundër Malit të Zi, kombëtarja e Zvicrës duke fituar 2 me 0 është “rehabilituar” për humbjen e pësuar para pak ditëve nga Uellsi, humbje që i kushtoi me diskualifikim nga garat për Evropianin 2012.

Sidoqoftë, djemoshat e Hitzfeldit në lojën e luajtur sonte në stadiumin St. Jakopbpark të Bazelit kanë qenë bindshëm më të mirë se kundërshtarët.

Golin e parë për Zvicrën e ka shënuar Derdiyok në minutën e 51-të ndërsa të dytin Sichtsteiner në minutën e 65-të. Për Lichtsteinerin, i cili këtë paraqitje për kombëtaren e kishte të 44-tën ky ishte goli i parë i shënuar në karrierën e tij.

Nga fillimi janë angazhuar katër lojtarë shqiptarë: Behrami, Shaqiri, Mehmedi e Xhaka. Shaqiri është ndërruar në minutën e 77 nga Degen ndërsa Xhaka në të 81-tën nga Emeghara.

Të katër lojtarët shqiptarë kanë treguar lojë të mirë. Një numër shansesh të mira për të shënuar i kanë pasur Mehmedi, Behrami dhe Shaqiri, por fati nuk e deshi që edhe ata të shënoheshin në listën e golashënuesve.

Ndeshja e sontme për Zvicrën ka më shumë rëndësi prestigji, sepse nga rezultati i saj nuk varet asgjë. Megjithatë, fitorja ka rëndësinë për motivimin e lojtarëve për ndeshjet e ardhshme, kur Zvicra të fillojë kualifikimet për Botërorin 2014.