Zvicra humb nga Uellsi dhe përshëndetet nga Evropiani 2012

Në 11-shen e parë Hitzfeld kishte angazhuar tre lojtarë shqiptarë: Behrami, Xhaka dhe Shaqiri

Në ndeshjen e vlefshme për Kampionatin Evropian, Zvicra humbi nga Uellsi me rezultatin 2:0. Një lojë jo kreative dhe e plogësht e kombëtares zvicerane ishte shkaktare e humbjes së saj nga kundërshtarët superiorë.

Në minutën 60, pas një penalltie që shkaktoi Klose, Uellsi, përmes Ramsey kaloi në epërsi me rezultatin 1:0. pas golit të shënuar, zviceranët e humbën edhe më shumë iniciativën. Kështu, në minutën 71 Balle e ngriti rezultatin në 2:0 për skuadrën uellsiane.

Në 11-shen e parë Hitzfeld kishte futur tre lojtarët shqiptarë: Behrami, Xhaka dhe Shaqiri. Ndërsa Shaqiri në minutën 74 u zëvendësua nga Gonzales, dhe Xhakën e zëvendësoi Admir Mehmed në minutën 81.

Duhet thënë se, ndryshe nga sa është pritur, ata nuk treguan ndonjë lojë shumë cilësore.

Pas barazimit të malit të Zi me Anglinë (2:2) Zvicra humbi të gjitha shanset për Evropianin 2012.