Zvicra investon 1.8 milionë franga për sigurinë e ndërtesave në Shqipëri

Zvicra do të mbështesë Shqipërinë me 1.8 milionë franga zvicerane për forcimin e kapaciteteve në vlerësimin e dëmeve në ndërtesa pas tërmeteve dhe fatkeqësive natyrore, transmeton albinfo.ch.

Marrëveshja për Projektin e Vlerësimit të Dëmeve në Ndërtesa u nënshkrua nga ambasadorja zvicerane Huber dhe ministri i Infrastrukturës dhe Energjisë, Enea Karakaçi.

Sipas njoftimit, projekti synon të rrisë ekspertizën profesionale, kapacitetet teknike dhe koordinimin institucional në situata emergjente, përfshirë tërmetet dhe fatkeqësitë e tjera natyrore.

Projekti do të zbatohet nga Instituti i Ndërtimit në bashkëpunim me Agjencinë Kombëtare të Mbrojtjes Civile dhe do të mbështetet nga ekspertë të Ndihmës Humanitare Zvicerane./Albinfo.ch