Zvicra, me një mbushës universal telefonash

Humbës i këtij ligji zviceran do të jetë Apple, i cili prej 2007 ka vënë në dispozicion mbushës të ndryshëm për gjenerata të ndryshme të iPhone

Zvicra po i afrohet standardizimit të mbushësve të telefonave mobilë duke miratuar  ligjin për mbushës universal për të gjithë telefonat mobilë që përdoren dhe shiten në vend.

Ende nuk dihet se cili do të jetë mbushësi standard i telefonave, por me sa duket, kjo është logjike që të jetë mikro USB, të cilat tashmë i përdorin platforma të ndryshme, veçanërisht Android.

Kjo do të thotë se humbës i këtij ligji zviceran do të jetë Apple, i cili prej 2007 ka vënë në dispozicion mbushës të ndryshëm për gjenerata të ndryshme të iPhone, me përjashtim të mbushësit  „ightning“ që u paraqit me iPhone 5 dhe është përdorur për të gjitha modelet e iPhone, pas këtij që doli në treg.

Në një deklaratë qeveria zvicerane thotë se standardizimi i mbushësve u referohet telefonave celularë dhe pajisjeve të tjera që do të duhet të jetë në përputhje me një mbushës universal deri në vitin 2017.

Përveç që do të ndihmojë përdoruesit që të mos blejnë mbushës të ndryshëm, kjo masë do të zvogëlojë pajisjet të tilla në qarkullim në vend dhe në të njëjtën kohë edhe të mbeturinave elektronike.

Bashkimi Evropian ka sugjeruar tashmë mundësinë e futjes së një mbushësi universal për pajisje të shitura në vendet anëtare të BE-së.