Lajme

Zvicra porosit shtatë milionë doza shtesë të vaksinës Moderna

Zvicra do të jetë kështu e pajisur edhe kundër mutacioneve të ardhshme, të mundshme të koronavirusit

Qeveria Federale e Zvicrës ka porositur edhe shtatë milionë doza të reja të vaksinës Moderna. Dorëzimi i tyre është planifikuar për në fillim të vitit 2022, raporton srf.ch.

Qeveria ka siguruar gjithashtu një mundësi edhe për shtatë milionë doza të tjera shtesë për vitin 2022, njofton Zyra Federale e Shëndetit Publik (BAG).

Dorëzimi i kontingjentit të dytë mund të bëhet gjatë vitit 2022, transmeton albinfo.ch.

BAG shkruan më tutje se popullata duhet të furnizohet në mënyrë adekuate me vaksina në vitin e ardhshëm. Sipas zyrës në fjalë, Zvicra do të jetë kështu e pajisur edhe kundër mutacioneve të ardhshme, të mundshme, të koronavirusit.

Sipas BAG, Moderna aktualisht është duke studiuar një vaksinim përforcues që duhet të mbrojë edhe nga mutacionet e virusit, përcjell albinfo.ch. Parakusht për përdorim në Zvicër është që Swissmedic, autoriteti zviceran për produktet terapeutike, ta testojë dhe ta miratojë vaksinën e adaptuar.


LAJME INTERESANTE NGA INTERNETI