Zvicra me tre shqiptarë përballë Irlandës së Veriut

Për Zvicrën nga fillimi do të paraqiten edhe tre futbollistët shqiptarë, Granit Xhaka, Xherdan Shaqiri dhe Blerim Xhemaili

Janë publikuar formacionet zyrtare për sfidën mes Irlandës Veriore dhe Zvicrës, që do të zhvillohet në Belfast nga ora 20:45, shkruan albinfo.ch.

Ky është takimi i parë derisa ai i kthimit do të zhvillohet në Bazel të dielën, ku do të vendoset përfundimisht se kush do të kualifikohet në Kampionatin Botëror.

Për Zvicrën nga fillimi do të paraqiten edhe tre futbollistët shqiptarë, Granit Xhaka, Xherdan Shaqiri dhe Blerim Xhemaili, kurse në bankën rezervë kanë përfunduar Valon Behrami dhe Admir Mehmedi.

Zvicra në kualifikime kishte nëntë fitore dhe vetëm një humbje, nga Portugalia.