Zvicra mbështet zbatimin e politikave në Maqedoninë e Veriut

Ambasada e Zvicrës në Maqedoninë e Veriut ka thënë se po vazhdon ende ta mbështesë zbatimin e politikave të zhvillimit rajonal në Maqedoninë e Veriut.

Kjo mbështetje, sipas tyre, ka qenë që nga viti 2012, ku janë fokusuar në uljen e pabarazive rajonale përmes forcimit të qeverisjes rajonale dhe ofrimit të koordinimit më të mirë të institucioneve në këtë çështje.

“Deri më tani, së bashku me partnerët tanë, kemi arritur sukses të dukshëm në zhvillimin e politikave adekuate të zhvillimit rajonal në vend. Përveç kësaj, përmes përforcimit të kapaciteteve absorbuese të qendrave në vitet e fundit, rajonet kanë siguruar financimin e projektit në vlerë prej mbi 20 milionë euro”, ka thënë ambasadori  zviceran Suter në konferencën ndërkombëtare mbi shkëmbimin e praktikave të mira në fushën e zhvillimit të balancuar rajonal në Rajonin Planifikues, shkruan Albinfo.ch.