​Presidentja Osmani reagon për rastin e sotëm të 11-vjeçares: Akt çnjerëzor

Presidentja e Kosovës, Vjosa Osmani, e ka quajtur “tronditëse dhe akt çnjerëzor” aktin e dhunimit të një 11-vjeçareje në Prishtinë dhe ka kërkuar hetime rigoroze e përgjegjësi para ligjit për kryesit e veprës.

Për më tepër, e para e vendit ka theksuar se është koha që të procedojnë ndryshime legjislative që ashpërsojnë edhe më tej dënimet ndaj dhunuesve.

“Është përgjegjësi jona kolektive të kujdesemi që të gjithë fëmijëve t’u garantojmë fëmijëri të dinjitetshme dhe të eliminojmë dhunën mbi baza gjinore”, ka shkruar Osmani.