Kosova
Arrestohen dhe sërish lirohen pesë serbë në Gjilan
Arrestimi i tyre është bërë pas hetimeve të zhvilluara dhe me urdhëresë të gjykatës, ndërsa ka mohuar shkrimet e disa mediave serbe, të cilat kanë shkruar se po realizohet një operacion policor ndaj disa ish-pjesëtarëve të FSK-së
Janë liruar në procedurë të rregullt pesë serbët e arrestuar në rajonin e Gjilanit, të dyshuar për përfshirje në veprimtari kundër rendit kushtetues dhe sigurisë së Kosovë. Lirimin e tyre e ka konfirmuar kryeprokurori i Gjilanit, Jetish Maloku.
“Ne me kërkesë të Departamentit për Krime të Rënda të Policisë, kemi hapur hetimet ndaj pesë personave të dyshuar për kërcënim, shantazh dhe presion ndaj pjesëtarëve të FSK-së. 5 të dyshuarit janë intervistuar dhe pastaj janë liruar në procedurë të rregullt”, ka thënë Maloku raporton KTV. Shefi i Zyrës për Kosovë në Qeverinë Serbe, Marko Gjuriq, kishte kërcënuar me ndërprerje të bisedimeve në Bruksel, nëse serbët e arrestuar nuk do të liroheshin deri në mbrëmje.
Ndërsa, Lista Serbe, aksionin e Policisë e ka quajtur shembull të përdorimit të tepruar të dhunës dhe frikësim të serbëve të Kosovës. Ky aksion sipas tyre, është demonstrim i nervozes së Prishtinës për shkak të humbjes së mbështetjes ndërkombëtare dhe dobësimit të saj në bisedimet me Beogradin.
Më herët sot, Policia e Kosovës kishte njoftuar se ka arrestuar pesë serbë në rajonin e Gjilanit, të cilët dyshohen se janë përfshirë në veprimtari kundër rendit kushtetues dhe sigurisë së Kosovës.
Policia thotë se arrestimi i tyre është bërë pas hetimeve të zhvilluara dhe me urdhëresë të gjykatës, ndërsa ka mohuar shkrimet e disa mediave serbe, të cilat kanë shkruar se po realizohet një operacion policor ndaj disa ish-pjesëtarëve të FSK-së.
“Policia e Kosovës garanton të gjithë qytetarët pa dallim se veprimet e saj i bazon në Kushtetutën e vendit dhe legjislacionit në fuqi, përderisa operacioni policor është duke vazhduar në bashkëpunim dhe koordinim me autoritetet e drejtësisë”, thuhet në njoftim.
Të ngjashme
Të tjera nga Kosova
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?