Sport
Fytyra e zezë e futbollit të Evropës Lindore
Në prag të Euro 2012, FIFPro boton një raport skandaloz për praktikat ndaj lojtarëve në Evropën Lindore
Një muaj para Euro 2012 në Poloni dhe në Ukrainë, një raport 180- faqesh i sapobotuar nga Sindikata Ndërkombëtare e Futbollistëve Profesionalë (FIFPro) e bazuar në Holandë denoncon praktikat ekzistuese në futboll dhe ndaj futbollistëve, raporton e përditshmja zvicerane „Le Temps“. 3357 futbollistë profesionistë nga dymbëdhjetë vende (Bullgari, Kroaci, Çeki, Greqi, Hungari, Kazakstan, Mal të Zi, Poloni, Serbi, Slloveni dhe Ukrainë) iu janë përgjigjur, disa në formë të hapur, disa në mënyrë anonime, pyetjeve të Task force e themeluar për këtë qëllim nga FIFPro. Nga hulumtimi del se 41.5% nga ata, pa dallim kombësie, nuk e marrin rrogën me kohë dhe nganjëherë duhet të presin nga 3 muaj deri në 1 vjet. 11.7 % e pjesëmarrësve kanë thënë se kanë pësuar dhunë nga udhëheqësit e tyre ose nga ithtarët e klubeve ku ata luajnë dhe 9.6% kanë deklaruar se kanë vuajtur nga diskriminimi racial. Ndër format e dhunës përmendet po ashtu edhe trysnia nga organizata kriminale për ta manipuluar rezultatin e lojës: «Një numër i madh i tyre nuk guxojnë të flasin, sepse kanë drojë për karrierën e tyre ose për jetën e tyre», ka deklaruar Theo van Seggelen, sekretar gjeneral i FIFPro. Disa lojtarë nga Ballkani, sikurse për shembull kroati Mario Cizmek, apo serbi Dragisa Pejovic, kanë thënë se janë gjetur në një situatë të mjerueshme materiale shkaku i trysnive të tilla. Rusia përmendet si një vend ku praktika e lojërava të trafikuara është e lartë, kurse më 2018 atje mbahet Mundiali i futbollit. Raportin në fjalë mund ta ngarkoni në faqen zyrtare të FIFPro: www.fifpro.org
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Vdekja e ushtarit në Bremgarten cilësohet si vetëvrasje Drejtësia ushtarake konsideron se vdekja e një ushtari të martën në terrenin e parakalimit të Bremgarten...
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën