Lajme
Gjermania riatdheson një grup azilkërkuesish ballkanikë
Sipas policisë federale, azilkërkuesit u nisën nga aeroporti i Munihut me fluturime qarter drejt destinacioneve Prishtinë dhe Shkup
Një grup azilkërkuesish nga Kosova dhe Maqedonia janë dëbuar nga Gjermania për në vendet e tyre, pasi autoritetet gjermane ua kthyen negativ kërkesën për azil. Sipas policisë federale, azilkërkuesit u nisën nga aeroporti i Munihut me fluturime qarter drejt destinacioneve Prishtinë dhe Shkup.
Në shtator të 2015, Gjermania shpalli Shqipërinë, Kosovën dhe Malin e Zi vende të sigurta, që do të thotë se të gjithë shtetasit nga këto vende, përfshirë Serbinë, Bosnje Hercegovinën dhe Maqedoninë, nuk përfitojnë të drejtën e azilit dhe për pasojë do të dëbohen automatikisht nga Gjermania, raporton Oranews.
Gjermania vazhdon të mbetet vendi që ka pranuar më së shumtë refugjatë gjatë viteve të fundit, dhe shumica prej tyre kanë qenë nga Lindja e Mesme, por edhe nga Shqipëria e Kosova. Vetëm gjatë muajit të fundit ka regjistruar 91.671 kërkesa për azil, ndërsa gjatë vitit 2015, ka pranuar 1.1 milion refugjatë.
Gjermania ka rivendosur kontrollin në pikat kufitare më Austrinë, hyrja kryesore e emigrantëve dhe po kërkon të përshpejtojë dëbimet e atyre që nuk kualifikohen për azil.
Kancelaria gjermane Angela Merkel ka thënë se numri i emigrantëve që hyjnë në Gjermani do të bjerë ndjeshëm.
Ndryshe, në bazë të shifrave që kanë publikuar autoritetet gjermane në lidhje me azilkërkuesit për vitin 2015, shqiptarët radhitën të dytët për kërkesa azili në Gjermani. Sipas të dhënave, rreth 55 mijë shtetas shqiptarë kanë aplikuar për azil në vitin 2015, shifër kjo që e rendit Shqipërinë në vendin e dytë pas Sirisë. Në vendin e tretë, sipas të njëjtave rezultatet, radhitet Kosova.
Të tjera nga Lajme
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?