Shkurt.ch
Janë mbyllur 5000 shitore për shkak të blerjes online
Dy kompanitë më të mëdha të shitjes me pakicë, Migros dhe Coop kemi rënie të qarkullimit. Nga ana tjetër, kompanitë e tipit “discount”, si Denner, Aldi dhe Lidl kanë rritur qarkullimin e tyre
Ndërmarrjet zvicerane të shitjes me pakicë, edhe vitin e kaluar kanë shënuar një ulje të qarkullimit të tyre. Sipas përllogaritjeve që ka prezantuar Instituti për hulumtim të tregut, GfK, rënia në krahasim me një vit më parë, ka qenë 1.5 për qind. Ndërsa qarkullimi i të gjitha ndërmarrjeve të kësaj kategorie, marrë së bashku, ka qenë 92.5 miliardë franga, njofton srf.ch. Ky qarkullim, nga viti 2007 asnjëherë nuk ka qenë më i ulët, transmeton albinfo.ch.
Shifrat më tutje tregojnë se të dy kompanitë më të mëdha të shitjes me pakicë, Migros dhe Coop kemi rënie të qarkullimit. Nga ana tjetër, kompanitë e tipit “discount”, si Denner, Aldi dhe Lidl kanë rritur qarkullimin e tyre.
Po ashtu konstatohet se ulja e qarkullimit është ndarë në më pak filiale. Me fjalë tjera, sipas GfK, nga viti 2010 deri në fund të vitit 2016 në gjithë Zvicrën janë mbyllur 5000 shitore të vogla. Ky fenomen shpjegohet me rritjen e tregtisë online por edhe me shtimin e numrit të qendrave tregtare dhe “discount” eve.
Kundrejt 5000 shitoreve të mbyllura janë rreth 10 mijë ofertues të shitjes online, vetëm zviceranë.
Përkundër rënies së regjistruar, gjigantët e tregtisë me pakicë, Migros dhe Coop vazhdojnë të jenë pa konkurrencë të parat në listë. Nga të tjerat, Liddle ka shënuar një rritje më të theksuar. Ky rrjet i shitjes me seli në Gjermani, është ngritur nga vendi i 12-të në vendin e nëntë në Zvicër, në mesin e ndërmarrjeve të shitjes me pakicë në sektorin e ushqimit. Lidl ka pasur një qarkullim prej 960 milionë frangash.
Migros ka shënuar një qarkullim prej 14 miliardë e 400 milionë frangash ose 0.2% më pak se një vit më parë. Ndërsa Coop, me 12 miliardë e 970 milionë franga ka pasur 0.3% më pak shitje se në vitin 2016.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Komiteti parlamentar zviceran mbështet planin e ndihmës për Ukrainën Një komitet parlamentar zviceran ka votuar për të mbështetur një kontribut ndihme prej 5 miliardë CHF...
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane