Shkurt.ch
Kohëzgjatja e statusit të përkohshëm, (Leja F) pengon integrimin
"Këta njerëz gëzojnë një leje qëndrimi të përkohshme, e cila ngre vështirësi të mëdha në tregun e punës. Ata nuk mund të bëjnë as një abonim të telefonit mobil"
Ndërsa Këshilli Federal dëshiron të zëvendësojë statusin e qëndrimit të përkohshëm (“F”) me një status të ri, një komision rekomandon kufizimin për gjashtë vjet të kohëzgjatjes së lejes së qëndrimit të përkohshme para stabilizimit të saj. Në vijim, albinfo.ch sjell shpjegimet e nënkryetarit të tij, Etienne Piguet.
Leja e qëndrimit “F” prek rreth 35.000 shtetas të huaj, të cilët janë të pranuar përkohësisht në Zvicër. Këta njerëz i kanë ikur dhunës, por nuk janë refugjatë sipas Konventës së Gjenevës dhe pasiguria për të ardhmen pengon shpesh integrimin e tyre. Prandaj, Këshilli Federal ka propozuar tri opsione për të zëvendësuar “pranimin e përkohshëm” me një status të ri.
Komisioni Federal i Migracionit ka dorëzuar mendimin e vet. Ai mbështet versionin që mbron dhe nuk e kufizon rrethin e përfituesve.
“Këta njerëz nuk mund të bëjnë as një abonim të telefonit mobil dhe jetojnë jasht shoqërisë për një periudhë të pacaktuar”.
Etienne Piguet
“Gjysma e njerëzve janë këtu për më shumë se pesë vjet, disa edhe për më shumë se pesëmbëdhjetë vjet”, thotë Etienne Piguet, profesor i gjeografisë në Universitetin e Neuchâtel-it dhe zëvendëskryetar i komisionit.
“Këta njerëz gëzojnë një leje qëndrimi të përkohshme, e cila ngre vështirësi të mëdha në tregun e punës. Ata nuk mund të bëjnë as një abonim të telefonit mobil dhe jetojnë jashtë shoqërisë për një periudhë të pacaktuar”.
Prandaj, ne duhet të gjejmë një zgjidhje për këta njerëz, të cilët pas disa vjetësh në Zvicër, këtyre duhet t’u mundësohet të integrohen plotësisht. Një kusht i domosdoshëm pas një kohe qëndrimi, për profesorin e gjeografisë. “Pas 10 vjetësh nuk mund të mbesin me një status të përkohshëm, njerëzit kanë fëmijë, ata duhet të jenë në gjendje të bëjnë plane… E gjithë kjo duhet të kufizohet me përcaktimin e një numri vitesh – ne ofrojmë një maksimum prej 6 vjetësh – pastaj duhet stabilizuar lejen e qëndrimit”.
Të tjera nga Shkurt.ch
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritrea Një komitet i Këshillit Kombëtar miratoi një mocion të premten duke kërkuar që Zvicra të nënshkruajë...
-
Sa vlen Zvicra për UBS-në?
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale