Kultura
Komedia zvicerane me Diar Xanin, prej nesër në Cyrih
Në teatrin e Cyrihut "Winkelwiese" "Bluetsuuger" do të shfaqet 8 herë; më 26, 27, 28, 29 tetor si dhe më 2,3,4,5 nëntor
Duke filluar nga e mërkura, 26 tetor, në teatrin e Cyrihut Winkelwiese fillon shfaqja e komedisë “Bluetsuuger” të teatrit “Schlachthaus” të Bernës, në të cilën njërin ndër rolet kryesore e luan aktori i ri kosovar Diar Xani.
“Blutsuuger” (në dialektin zviceran: gjakpirësi) është një komedi që vë në lojë paragjykimet dhe stereotipet që ka shoqëria zvicerane për të huajt. Bëhet fjalë për një lojë me klishetë. Duke qenë se zviceranët nuk duan më që t`i pastrojnë tualetet, kërkojnë njerëz nga jashtë për ta bërë këtë punë. Kështu, Hansruedi kërkon krah pune në Evropën Lindore, por kjo i del ndryshe nga sa e kishte pritur: në Zvicër i vjen “vampiri Drakuslav nga Transilvania”. Kjo rrethanë i ka shërbyer autorit Matto Kämpf dhe regjisores Christina Rast ër të bërë një lojë me dallimet ndërkulturore dhe një ballafaqim thumbues të mentaliteteve.
Komedia ka pasur premierën e saj të suksesshme në Bernë në fund të qershorit dhe më vonë ka udhëtuar për në Shtutgard ku ka pasur po ashtu disa shfaqje. I kontaktuar nga albinfo.ch, aktori Xani pret që premiera e Cyrihut ashtu si dhe shfaqjet në vijim do të kenë një jehonë edhe më të madhe. Në veçanti ai shpreson që kësaj here shfaqet të vizitohen më shumë nga komuniteti i këstushëm shqiptar.
Në teatrin e Cyrihut Winkelwiese”, “Blutsuuger” do të shfaqet 8 herë; më 26, 27, 28, 29 tetor si dhe më 2,3,4,5 nëntor. Shfaqejet fillojnë në orën 20.30.
Biletat mund të sigurohen përmes telefonit: 044 261 21 79 ose në faqen: www.winkelwiese.ch/karten
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën