Kosova
Komuna e Prishtinës transparente publikoi sot “Kontrata e Hapura”
Kryeqyteti i Kosovës, Prishtinë, publikoi sot platformën më të re digjitale "Kontratat e Hapura", platformë kjo që vendos standardin e ri të transparencës në Kosovë dhe jo vetëm.
Secila kontratë e nënshkruar, me të gjitha detajet, që nga fillimi i procedurave të prokurimit deri në realizmin e kontratës, do të jetë online dhe e aksesueshme për të gjithë ( http://kontratatehapura.prishtinaonline.com/ ), shkruan Albinfo. ch.
“Kjo platformë është punuar në dy module, një për strukturën manageriale të institucionit dhe një për publikun. Kësisoj, përveç që mundësohet qasje shumë e lehtë e të gjithë qytetarëve në këto dokumente, rregullimi dhe përshpejtohet edhe më tutje menaxhimi i kontratave nga ana e zyrtarëve komunal. Në platformë, përveç që shihen procedurat dhe detajet e kontratave, shënoni edhe dinamika e realizimit të secilës kontratë: me ngjyrë të gjelbër dallojnë kontratat e përfunduara në kohë; me ngjyrë të verdhë ato që janë gati në fund të afatit kohor; dhe me ngjyrë të kuqe kontratat që kanë kaluar kohën e parashikuar dhe nuk janë përfunduar ende. Kjo shton përgjegjësinë publike dhe të institucionit për të ndërmarrë masat e duhura, edhe të kompanive për të përfunduar me kohë punimet “, thuhet në njoftimin e Komunës së Prishtinës.
Sipas njoftimit ‘..Kryeqyteti i Kosovës vazhdon të jetë lider në transparencën institucionale, dhe të vlerësohet si i tillë nga shumë organizata dhe institucione. Duke qenë kështu, në fund të shtatorit jemi ftuar në garën për Kryeqytetin më transparent në Evropë, që do të mbahet në Sllovaki ‘.
Platforma “Kontratat e Hapura” është një projekt i realizuar nga Open Data Kosova dhe Vajzat Coding Kosova, mbështetur nga UNICEF-i dhe ADA. Hapat e parë drejt këtij niveli të transparencës ishin Prishtina Digjitale, Platforma Digjitale për Pjesëmarrje Publike dhe Prishtina Open Data.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Pse njerëzit në Austri po paguajnë më shumë taksa pavarësisht reformave federale? Punëtorët në Austri janë ende ndër ata me barrën tatimore më të lartë në botë, me...
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE