Sporti

Majlinda, më e mira në botë për vitin 2016

Majlinda Kelmendi është shpallur xhudistja më e mirë në botë nga Federata Ndërkombëtare e Xhudos. Ajo është zgjedhur me votat e tifozëve

Xhudistja kosovare, Majlinda Kelmendi ka fituar edhe një çmim të rëndësishëm në arenën ndërkombëtare. Ajo është shpallur xhudistja më e mirë për vitin 2016, shkruan albinfo.ch.

Federata Ndërkombëtare e Xhudos (IJF) ka konfirmuar se kampionia olimpike ka fituar çmimin për xhudisten më të mirë të vitit “IJF Judoka of the Year Award”.

“Dy herë kampionia e botës, dhe bartësja e flamurit, Majlinda Kelmendi, që për herë të parë i siguroi vendit të saj medalje të artë olimpike në kategorinë -52 kg, mori 5299 pikë.

Kampionia olimpike la prapa brazilianen Rafaela Silva, që si e dyta mori 2565 vota, kurse e treta ishte amerikania Kayla Harrison”, thuhet në komunikatën e IJF-së.

I kënaqur për këtë çmim sigurisht ishte trajneri i saj, Driton Kuka. “Edhe zyrtarisht Majlinda shpallet xhudistja më e mirë sipas votimeve në Federatën Botërore të Xhudos! Urime Botës Shqiptare sportisten më të mirë në rruzullin tokësor, e rritur e ndërtuar në trojet tona Shqipe!”, ka shkruar Kuka në “Facebook”.

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/majlinda-me-e-mira-ne-bote-per-vitin-2016/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.