Kosova
Marrëveshje për punësim legal në Gjermani
Zëvendësdrejtori i përgjithshëm i “DEKRA Akademie”, Dietmar Metzger tha se ideja kryesore e kësaj kompanie është të ofrojë siguri, në veçanti për studentët të cilët janë pjesëmarrës të këtyre trajnimeve
Kompania “DEKRA Akademie” nga sot e tutje do të prezantojë Kosovën si një nga 60 vendet që do kenë bashkëpunim me të.
Kjo është arritur në bashkëpunim me qendrën e mësimit të gjuhës gjermane dhe trajnimit profesional “Interpersonnel Kosova”.
Drejtori ekzekutiv “Interpersonnel Kosova”, Musa Ahmeti tha se janë duke e bërë prezantimin e vetëm një pjese të programit të tyre “Migrim dhe Punësim Legal në Gjermani dhe në vendet e Bashkimit Evropian”, shkruan ‘Kallxo.com’.
Ahmeti tha se partnerët kryesorë vendorë janë Ministria e Punës dhe Mirëqenies Sociale dhe Ministria e Arsimit, Shkencës dhe Teknologjisë, me të cilët tha ai do arrijnë që të koordinojnë punët për bashkëpunim të mëtutjeshëm, përcjell albinfo.ch.
Zëvendësdrejtori i përgjithshëm i “DEKRA Akademie”, Dietmar Metzger tha se ideja kryesore e kësaj kompanie është të ofrojë siguri, në veçanti për studentët të cilët janë pjesëmarrës të këtyre trajnimeve.
“Nga sot e tutje një përshkrim në kompaninë tonë do të ndryshojë. Më herët kemi thënë se ne funksionojmë në më shumë se 50 vende të botës dhe së voni e kam pyetur personin që merret me marrëdhëniet me publikun se çfarë nënkupton kjo në më shumë se 50 vende? Kjo nënkupton që jemi prezent në 59 vende dhe së fundi është shtuar edhe Kosova, duke arritur numrin në 60 vende”, tha ai.
“Nga sot ne do ta prezantojmë që jemi prezentë dhe aktivë në 60 vende të botës, përfshirë dhe Kosovën”, tha ai.
Ndërkaq, ministri i Punës dhe Mirëqenies Sociale, Skender Reçica tha se në vazhdimësi janë duke u përpjekur që të hapin mundësi të reja që të rinjtë dhe të rejat të kenë mundësi që të jenë sa më afër tregut të punës.
Sipas tij, krahas angazhimit të tyre që ka të bëjë me përgatitjen profesionale, ata nuk po rreshtin së shikuari edhe mundësi të tjera që t’u ofrohen qytetarëve të papunë dhe qytetarëve të aftë për punë.
Ndërkaq ministri i Arsimit, Shkencës dhe Teknologjisë, Shyqiri Bytyqi, tha se Kosova vazhdimisht po bën rrugëtim për të pasur një zhvillim të qëndrueshëm ekonomik.
Ministri Bytyqi tha se kjo u jep shpresa akoma me të mëdha sepse, sipas tij, e kemi një rini që vërtetë duhet të investohet shumë dhe t’i përgatisin siç duhet për tregun e punës.
Ai gjithashtu tha se viti 2018 është shpallur viti nacional për shkolla profesionale nga Ministria e Arsimit, Shkencës dhe Teknologjisë dhe në fund të këtij viti do të rezultojnë strategji nacionale për qasjen ndaj shkollave profesionale.
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?