Integrimi
Miranda Ademaj, një karrierë e shkëlqyer, me Skënderbeun si shembull motivues
Në tejkalimin e pengesave Mirandës i ka shërbyer shembulli i heroit kombëtar shqiptar, Skënderbeu! Edhe ai është përballur me vështirësi të jashtëzakonshme në rezistencën kundër osmanëve dhe ia ka dalë falë përpjekjeve mbinjerëzore, bën ajo një paralele
Miranda Ademaj është tashmë emër i njohur për lexuesit tanë. Albinfo.ch ka shkruar disa herë për arritjet e rralla të shqiptares 32 vjeçare me prejardhje nga Shtimja e Kosovës. Emisioni i njohur për ekonomi i transmetuesit publik zviceran SRF “Eco” ka realizuar një portret mjaft mbresëlënës për Mirandën, duke e shoqëruar atë edhe gjatë udhëtimit të saj dhe të familjes në Kosovë e në Shqipëri.
Në përshkrimin e filozofisë së punës dhe suksesit të saj, autorët e emisionit e vendosin theksin në prejardhjen e Mirandës nga një ambient i varfër kosovar, ambient jo shumë optimal për zhvillimin e një menaxhereje të suksesshme fondesh. Por, shqiptarja bjonde, e zgjuar dhe simpatike e ka shpjegimin origjinal për suksesin e saj. Si femër me prejardhje të huaj sigurisht e ka pasur shumë të vështirë të depërtonte në këtë arenë të rezervuar për meshkuj, çfarë është ajo e investimeve (Hedgesfonds).
Por në tejkalimin e pengesave Mirandës i ka shërbyer shembulli i heroit kombëtar shqiptar, Skënderbeut! Edhe ai është përballur me vështirësi të jashtëzakonshme në rezistencën kundër osmanëve dhe ia ka dalë falë përpjekjeve mbinjerëzore, bën ajo një paralele. Së fundi, jo rastësisht Ademaj e ka emërtuar firmën e saj të vogël por me shumë vlerë, me emrin “Skënderbeg”. Kjo firmë me selinë në Zollikon të Cyrihut, ndonëse ka vetëm rreth dy vjet që është themeluar, tashmë punon me investime shumëmilionëshe, në Zvicër e gjetiu.
Lidhja me Kosovën dhe shqiptarët e saj është shumë e rëndësishme për Mirandën. Kështu, ekipi televiziv e shoqëron atë edhe gjatë vizitës që ajo i bën shkollës së saj në Shtime, të cilën e ka braktisur kur ka qenë në klasën e katërt. Këtu ajo evokon frikën që ka pësuar kur një paramilitar serb ia kishte drejtuar revolen, duke i shkaktuar traumë vajzës së atëhershme të vogël, menaxheres së sotme të madhe.
Emisioni mund të shikohet në këtë link:
http://www.srf.ch/sendungen/eco/hoergeraete-hedge-fund-expertin-aus-kosovo-gastro-serie-2
Të tjera nga Integrimi
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Sa vlen Zvicra për UBS-në? Banka e madhe po bën aktin balancues midis UBS-së zvicerane me këmbë në tokë dhe UBS-së...
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor