Lajme
Pas Gruevskit, Ahmeti takoi edhe Zaevin
Lidhja Social Demokrate ka zgjedhur të heshtë dhe nuk ka komentuar kushtet e vendosura nga partia e Ahmetit për krijimin e një qeverie
Pas takimit me liderin e VMRO DPMNE-së, Nikolla Gruevskin, kryetari i Bashkimit Demokratik për Integrim (BDI), Ali Ahmeti është takuar me kreun e LSDM-së, Zoran Zaev. Ky është takimi i parë në nivel udhëheqësish mes Ahmetit dhe Zaevit, pas zgjedhjeve të parakohshme parlamentare të mbajtura më 11 dhjetor 2016.
Sipas një deklarate të BDI-së, në takim, në parim u diskutua për qëndrimet respektive që palët kanë prezantuar në këtë periudhë, pa hyrë në detaje ose biseda për çështje të veçanta konkrete.
Lidhja Social Demokrate, ndërkohë, ka zgjedhur të heshtë dhe nuk ka komentuar kushtet e vendosura nga partia e Ahmetit për krijimin e një qeverie, citon TCH.
Një ditë më parë, kreu i BDI-së u takua edhe me udhëheqësin e VMRO-DPMNE-së, Nikola Gruevski, duke pasur në plan të parë negociatat për një bashkëqeverisje të mundshme, por për rezultate konkrete duket se do të duhen takime të tjera.
Kërkesa thelbësore të BDI-së, që duket se i janë parashtruar të dyja partive politike kryesore maqedonase, janë zbatimi i dygjuhësisë në të gjithë territorin, zgjatja e mandatit të Speciales dhe vazhdimi i procesit të eurointegrimit. Këto kushte apriori i ka kundërshtur VMRO ndërsa LSDM nuk ka dhënë sinjale. Kërkesat e BDI-së janë edhe kërkesat e të gjitha partive shqiptare.
Të tjera nga Lajme
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?