CH-Ballkani
Presidenti gjerman takim lamtumirës me ambasadorin Xhekaliu
Presidenti i Gjermanisë Frank- Walter Steinmeier pret në takim lamtumirës Ambasadorin e Republikës së Kosovës në Berlin Skënder Xhakaliun
Presidenti i Gjermanisë, Frank- Walter Steinmeier ka zhvilluar një takim të veçantë lamtumirës me ambasadorin e Republikës së Kosovës në Gjermani, Skënder Xhakaliun. Presidenti gjerman organizon pritje tradicionale për korin diplomatik botëror të akredituar në kryeqytetin e Gjermanisë në Berlin, ndërsa takimi me diplomatin kosovar ka qenë i veçantë.
Xhakaliu, i cili ushtroi detyrën e ambasadorit të jashtëzakonshëm dhe Fuqiplotë të Republikës së Kosovës në Republikën Federale të Gjermanisë nga Qershori i vitit 2012 deri në Janar të vitit 2018 ka falënderuar presidentin Federal për angazhimin personal dhe institucional të Presidentit Steinmeier dhe Qeverisë së Gjermanisë, duke shprehur shpresën që ndihma dhe angazhimi gjerman do të vijojnë edhe në të ardhmen për Kosovën, qytetarët dhe institucionet e saj.
Presidenti Steinmeier ka falënderuar në mënyrë të veçantë ambasadorin Xhakaliu për punën e palodhshme në komunikimin dhe bashkëpunimin e institucioneve të Gjermanisë me të Kosovës duke shprehur optimizëm që Xhakaliu edhe në të ardhmen do të jetë në dispozicionin e dy vendeve për focimin e marrëdhënieve mes dy shteteve dhe popujve.
Ambasadorit të deritashëm të Republikës së Kosovës në Berlin, Ministria e Punëve të Jashtme e Gjermanisë i ka organizuar drekë lamtumirëse si dhe është pritur edhe nga zyrtarë të lartë të Ministrisë së Punëve të Brendshme dhe nga Zyra e kancelares, Angela Merkel dhe nga deputetë të Bundestagut nga fraksionet kryesore politike të CDU/CSU, SPD, të Gjelbrit dhe FDP.
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?