Kosova
Prizreni në mesin e 10 vendeve të botës që duhet të vizitohen gjatë vitit 2018
Magazina online “Watson” e Cyrihut, e ka futur Kosovën, gjegjësisht Prizrenin në mesin e 10 vendeve më të bukura për t`u vizituar gjatë vitit 2018
Që, Shqipëria të vlerësohet si një pikë e lakmuar turistike nga shumë guida evropiane e jashtevropiane, është diçka tashmë e njohur. Bregdeti atraktiv, i gjatë dhe i thyer, malet, qytetet e vjetra, vendgërmimet e famshme arkeologjike etj. ofrojnë në çdo kohë të vitit diçka që ia vlen të shihet dhe eksplorohet nga turistët, shkruan albinfo.ch. Por, që edhe Kosova të jetë në folkus të guidave turistike është diçka për të cilën duhet ende të presim.
Sidoqoftë, magazina prestigjioze online “Watson” e Cyrihut, e njohur për stilin e saj alternativ të shkrimit dhe prezantimit, ka futur Kosovën, gjegjësisht Prizrenin në mesin e 10 vendeve më të bukura për t`u vizituar gjatë vitit 2018. Këtu hyjnë edhe vende si Cornwal-i në Angli, Tours, në Francë, Lubjana në Slloveni, Tulum në Meksikë etj.
Ja se si e përshkruan “Watson” Kosovën dhe qytetin historik buzë Lumbardhit: “Kosova është një vend shumë i bukur dhe çdo gjë këtu është jashtëzakonisht lirë (çmimet). Prizreni ka një qytet të vjetër mbresëlënes me një kështjellë që mbretëron mbi të.
Ai është qyteti i dytë i Kosovës për nga madhësia. Numri i madh i ndërtesave historike dhe qyteti i vjetër pjesërisht i ruajtur, e bëjnë Prizrenin një qendër kulmore sa i përket kulturës. Arkitektura në qytet bart shenjat e pushtimit osman. Veçanërisht interesante janë ura osmane e gurit dhe xhamia e Sinan Pashës, minareja e të cilës është më e larta në Ballkan, transmeton albinfo.ch. Këmbë mund të shkohet edhe në kalanë e Prizrenit, e cila “mbretëron” mbi qytet dhe përbën një pikë të mrekullueshme vrojtimi.
Qyteti ofron mjaft edhe nga ana kulturore. Ai është seli e shumë festivaleve të muzikës dhe të filmit, të cilat zhvillohen gjatë gjithë vitit.
Dhe një porosi e Watson-t për fund: “Mos u habitni nëse në Prizren do të dëgjoni papritur të flitet `schweizerdeutsch`”.
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Vdekja e ushtarit në Bremgarten cilësohet si vetëvrasje Drejtësia ushtarake konsideron se vdekja e një ushtari të martën në terrenin e parakalimit të Bremgarten...
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën