Shqipëria
Prokurori shqiptaro-amerikan: “Jam i turpëruar nga sistemi i drejtësisë këtu”
"Jam veçanërisht i turpëruar, sepse nuk ka ndershmëri në sistemin e drejtësisë, është lënë të bjerë shumë poshtë"
Shqiptaro-amerikani Gjon Juncaj, ekspert i OPDAT-it për reformën në drejtësi, ka thënë se sistemi i drejtësisë në Shqipëri është shumë mbrapa, madje thotë se është i turpëruar nga ky sistem. Prokurori Juncaj është me origjinë nga Malësia e Madhe.
“Nëna ime ishte e fiksuar për drejtësinë. Ajo thoshte se nëse bën diçka gabim, do të kesh probleme. Nuk kam parë asnjëherë kaq shumë njerëz viktima të pafajshme, të lënë të pambrojtur nga sistemi i drejtësisë se sa këtu në Shqipëri. Jam veçanërisht i turpëruar, sepse nuk ka ndershmëri në sistemin e drejtësisë, është lënë të bjerë shumë poshtë”, ka thënë ai në eventin TED EX Tirana, me moton: “E vërteta e zhveshur është gjithmonë më e mirë se çdo gënjeshtër e veshur bukur”.
Por Juncaj ka theksuar se ambasadori amerikan që ka qenë i angazhuar drejtpërsëdrejti me reformën në drejtësi t’i ketë thënë atij se ka shpresë, por që në këtë betejë të vështirë duhet të gjithë të jenë bashkë.
“Kam një ndjenjë që dua ta ndaj me ju, ajo është shpresa. Nuk mund t’ia dalim nëse nuk bëhemi të gjithë bashkë. Duhet të kuptoni një gjë. Ju keni zë. Jeni shumë, ndërsa ata janë pak. Ka ardhur koha për të ndërtuar një vend, për të cilin duhet të jemi krenarë”, ka thënë prokurori Juncaj.
Ai shprehu shqetësim dhe për largimin e shqiptarëve nga atdheu.
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?