Tematike
Qeveria miraton 11 milionë franga shtesë për azilin
SEM ka ndryshuar prognozën e bërë në fillim të vitit, duke e ngritur nga 30 mijë, numrin e azilkërkuesve sa pritej të arrinte në fund të vitit, në 39.000 me sa mendohet tash se do të përmbyllet ky vit
Këshilli Federal i Zvicrës ka lejuar ndarjen e mjeteve plotësuese prej 11 milionë frangave në kuadrin e një kredie për nevojat urgjente në fushë të azilit.
Kjo shumë e mjeteve paraqitet e nevojshme për të përballuar numrin në rritje të azilkërkuesve, shkruan Departamenti për Polici dhe Drejtësi (EJPD) në një komunikatë të lëshuar sot. Kredia do të shfrytëzohet kryesisht për pagesën e shërbimeve të përkthimit për krijimin dhe pajisjen e vendeve të reja të punës. Po ashtu kjo shumë nevojitet edhe për pagesën e qirave dhe për mbulimin e shpenzimeve të punës në qendrat e reja të strehimit të azilkërkuesve.
Në këtë kontekst, Këshilli Federal ka angazhuar EJPD-në që deri në fund të vitit 2016 të krijojë edhe 75 vende të reja pune në lëmin e azilit.
Numri i refugjatëve që kanë kërkuar azil në Zvicër nga qershori i këtij viti e këndej ka shënuar një rritje të madhe. Kështu Sekretariati Shtetëror për Migracion (SEM) ka ndryshuar prognozën e bërë në fillim të vitit, duke e ngritur nga 30 mijë, numrin e azilkërkuesve sa pritej të arrinte në fund të vitit, në 39.000 me sa mendohet tash se do të përmbyllet ky vit.
Vetëm gjatë muajit nëntor numrit të kërkesave të azilit i janë shtuar edhe 5700 sish, thuhet në komunikatën e SEM.
Megjithatë, në krahasim me fluksin e madh të refugjatëve që ka përfshirë shtetet fqinje, si Gjermaninë dhe Austrinë, në Zvicër bëhet fjalë për një numër dukshëm më të ulët të azilkërkuesve.
Të ngjashme
Të tjera nga Tematike
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Sa vlen Zvicra për UBS-në? Banka e madhe po bën aktin balancues midis UBS-së zvicerane me këmbë në tokë dhe UBS-së...
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor