Kultura
Rama ekspozon në Berlin kalendarët e tij të pikturuar
Në hapjen e ekspozitës ishte i pranishëm edhe ish ministri i jashtëm i Gjermanisë, Joschka Fischer. Rama e ka pikturuar edhe kalendarin me vizitën e Fischerit në vitin 2000 në Tiranë
Kalendari i termineve i Kryeministrit të Shqipërisë, Edi Rama nuk është vetëm i ngjeshur por edhe i ngjyrosur me ngjyra të ndezura. Kalenarët e tij janë eksponate të njuë ekspozite që po qëndron e hapur në Berlin
Edi Rama, shef i Partisë Socialiste të Shqipërisë pikturon në kalendarët e tij të termineve gjatë konferencave ose gjatë telefonatave. Aktualisht, në galerinë Michael Shultz të Berlinit piktori akademik ka hapur një ekspozitë të kalendarëve të tij, e cila do të qëndrojë e hapur deri më 23 maj. Ekspozita titullohet “Les fleurs du calendrier – Kalenderblüten” (lulet e kalendarit).
Në hapjen e ekspozitës ishte i pranishëm edhe ish ministri i jashtëm i Gjermanisë, Joschka Fischer. Rama e ka pikturuar edhe kalendarin me vizitën e Fischerit në vitin 2000 në Tiranë, një punim me ngjyra të forta që bie në sy. “Këtu shihen `Good Vibrations` tonat ” (lidhjet e mira), supozon Fischer, shkruan Berliner Zeitung.
Edhe karrierën e tij politike Edi Rama e pati filluar me një vepër artistike. Duke bërë fasadimin artistik të ndërtesave të qytetit të vjetër të Tiranës, ai u pëlqye në vitin 2000 si kryebashkiak i kryeqytetit shqiptar.
Nga viti 2013, djali i një skulptori dhe një mjekeje është kryeministër i Shqipërisë. Por, në zemër Edi Rama mbetet artist. Në mijëra fletë kalendari ai i përjetëson mendimet e tij përmes abstraksioneve me ngjyra.
“Në këtë mënyrë unë mund të përqendrohem më mirë në punën time politike”, thotë ai, transmeton albinfo.ch. Pikturimi, nga njëra anë është shtendosje nga vëllimi shumë i madh i punës dhe nga ana tjetër një ventil për brengat e tij lidhur me përgjegjësinë politike në ndërtimin e një shoqërie të re në atdheun e tij, Shqipëri.
Të tjera nga Kultura
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën