Lajme
Sela: Nuk i lejojmë lëvizjet e caktuara, të luajnë me Skënderbeun
Ziadin Sela tha se si parti politike por edhe si komb, nuk do të lejohet që lëvizje të caktuara politike ta kontestojnë figurën heroike të Skënderbeut
Figura e Skënderbeut ka qenë dhe vazhdon të mbetet pikënisja e identitetit kombëtar shqiptar dhe si parti politike nuk do të lejojmë që aventurierë të ndryshëm ta përdhosin këtë figurë. Kështu ka deklaruar dje në Xhepçishtë të Tetovës, kryetari i Lëvizjes për Reforma në PDSH, Ziadin Sela, ku edhe formoi nëndegën e kësaj parti në këtë komunë.
Ai u ndje mirë kur në sfondin e sallës e pa figurën e heroit kombëtar Gjergj Kastriotin- Skënderbeun. Sela tha se nga disa njërës në Maqedoni po akuzohen pse po e nxjerrim në facebook Skënderbeun.
“Më vjen mire që këtu ne sfond e shoh figurën e heroit tonë kombëtar Skënderbeut. Pa marrë parasysh që çfarë emri dhe mbiemri ne si shqiptarë mbajmë këtu, është pikënisja e identitetit tonë kombëtar dhe të kontestosh figurën Kombëtare të Skënderbeut, ke kontestuar qenien shqiptare dhe shqiptarët që jetojnë këtu edhe më gjerë”, deklaroi Sela.
Deputeti shqiptar në Kuvendin e Maqedonisë, tha se vazhdimisht edhe si komb, po përballen me kësisoj goditjesh nga qarqe dhe rryma të caktuara, ndështa edhe të paguara nga jashtë.
“Shqiptarët kurrë nuk kanë pasur probleme me identitetin kombëtar, por fatkeqësisht tani ka disa rryma politike që duan të na shkombëtarizojnë nga identiteti kombëtar. Nuk guxojmë ti lejojmë aventurier të tillë që ndoshta edhe paguhen për ta faruar indin kombëtar. Ne do të goditemi gjithandej sa herë qe të vërejnë se do të kemi krizë. Pikërisht edhe këta janë treguesit se ku duhet të veprojmë ne si politikë në mënyrë që mos të kemi krizë”, deklaroi ai.
Sa herë që do të vërehet boshllëk dhe mungesë edukimi, sipas tij, aty do të goditen si komb.
“Kjo ndodh në fakultete, në shkolla të mesme, por edhe në çerdhe. Andaj duhet të jemi të kujdesshëm dhe syhapur t’i ndjekim këto procese. Ne jemi ata që duhet t’u paraprimë këtyre proceseve dhe nuk duhet të lejojmë të goditemi pikërisht aty ku është me e dhimbshme siç është kombi dhe identiteti kombëtar”, shtoi më tej Sela.
Të tjera nga Lajme
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Pse njerëzit në Austri po paguajnë më shumë taksa pavarësisht reformave federale? Punëtorët në Austri janë ende ndër ata me barrën tatimore më të lartë në botë, me...
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE