Sporti

Shkarkohet trajneri i Shaqirit

Mark Hughes është shkarkuar nga posti i trajnerit të Stoke City, vetëm disa orë pas eliminimit të klubit në raundin e tretë të FA Cup nga skuadra që luan në League 2, Coventry, raportojnë mediat angleze.

Stoke City gjithashtu ka pasur një edicion mjaft të dobët në Premierligë, duke rrezikuar edhe mbetjen në elitë, përcjell albinfo.ch.

Hughes, 54-vjeçar, ka qenë në krye të Stoke Cityt për katër vite e gjysmë. Ai kishte zëvendësuar Tony Pulis në maj të 2013.

Pikërisht ishte Hughes i cili kishte këmbëngulur për yllin shqiptar, Xherdan Shaqiri ta transferonte në skuadrën angleze.

Futbollisti shqiptar është një nga lojtarët kyç në këtë skuadër, derisa ka bërë të ditur se ndihet mirë në Stoke City dhe nuk mendon të ndërrojë ambient, të paktën për momentin.