Jeta në Zvicër
Skulptori huton vozitësit me skulpturën e tij
"Në momentin që vozitësit frenojnë, shikojnë prapa apo duan të dinë nëse janë fotografuar nga radari, buza më shkon në gaz", shpjegon Santhori
Skulptori nga Zurzachu, Santhori, në kopshtin e ateliesë së tij në Rekingen ka vendosur një skulpturë në formë radari. Por, pa informuar autoritetet përkatëse.
Skulptura është vendosur që nga java e kaluar, ndërsa para saj, në drejtim të Bad Zurzachut qëndron i vendosur mbishkrimi “KUJDES, nuk është RADAR”, me ç’rast fjala “nuk është” është shënuar me shkronja të vogla.
Në këtë relacion janë të lejuara 60 kilometra në orë. Sipas Santhorit, veturat në këtë drejtim zakonisht vozitin shpejt, përcjell albinfo.ch.
“Në momentin që vozitësit frenojnë, shikojnë prapa apo duan të dinë nëse janë fotografuar nga radari, buza më shkon në gaz”, shpjegon Santhori. Kohën e lirë ai me gjithë dëshirë e kalon i ulur në një karrige e duke shijuar pauzën për kafe dhe duke vëzhguar gjestet e vozitësve. Porosia e Santhorit: “Ngadalë, por sigurt. Vozitësit duhet të kuptojnë qetë në të ardhmen se bëhet fjalë për një radar të vërtetë”.
Gjithë këtë veprim, Santhori e ka organizuar pa lejen e autoriteteve zyrtare, shkruan “Aargauer Zeitung”, njofton “Albinfo.ch”.
Ai nuk e ka ndërmend ta heqë nga vendi deri në fund të vitit. Nga ana tjetër, autoritetet e kanë paralajmëruar se edhe për këtë skulpturë duhet patjetër të miratohet leje përkatëse. Mirëpo, mbishkrimi duhet të hiqet sa më parë, pasi ai është i vendosur në truallin e Komunës.
Santhori është kundërshtar i fuqishëm i radarëve të vërtetë, pasi mendon se ata përdoren vetëm sa për të arkëtuar të holla. Shumë më tepër atij i pengojnë pllakatet e politikanëve se sa skulptura e tij.
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?