Lajme
Kosovë, për 6 muaj 61 të vdekur në komunikacion
Zëdhënësi i Policisë Baki Kelani tha se nga 1 janari deri më 30 qershor të këtij viti, 61 persona kanë humbur jetën në fatkeqësi komunikacioni. Kjo shifër është në rritje
Policia e Kosovës ka shtuar patrullimet nëpër rrugët e Kosovës, madje edhe duke shqiptuar mijëra gjoba në muaj, por përkundrazi aksidentet me fatalitete vazhdojnë të rriten. Sipas shifrave zyrtare të Policisë, brenda gjashtë muajve të fundit kanë humbur jetën 61 qytetarë.
Sipas këtyre statistikave, brenda secilit muaj 10 veta kanë vdekur nga komunikacioni, që është shifër në ngritje në krahasim me vitin e kaluar.
“Nga 1 janari deri më 30 qershor të këtij viti, 61 persona kanë humbur jetën në fatkeqësi komunikacioni. Në vitin që shkoi në periudhën e njëjtë në aksidente kanë humbur jetën 56 persona”, thotë zëdhënësi i Policisë Baki Kelani, raporton “Tribuna”.
Sipas Policisë aksidentet me lëndime janë në rënie por jo edhe numri i personave të lënduar. “Në vitin 2013 deri në qershor, ka pasur 2 mijë e 243 aksidente me lëndime, ndërsa këtë vit në periudhën gjashtë mujore janë 2 mijë e 209, apo 1.52 për qind më pak”, deklaroi Kelani.
Në anën tjetër, Policia e Kosovës ka shtuar patrullimet nëpër komunikacion dhe vetëm brenda pesë muajve të fundit ka shqiptuar më shumë se 139 mijë tiketa, që krahasuar me vitin 2013, numri i tiketave është ngritur për 21 për qind. Sipas policisë, gjatë të njëjtës periudhë të vitit 2013, janë shqiptuar 114 mijë tiketa..
Të tjera nga Lajme
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?