Kosova
Trendafilova: Specialja ende nuk ka ngritur aktakuza për ish luftëtarët e UÇK-së
Kryetarja e Dhomave të Specializuara, Ekaterina Trendafilova ka konfirmuar se ende nuk ka asnjë aktakuzë të ngritur ndaj ish-ushtarëve të Ushtrisë Çlirimtare të Kosovës
Gjykata Speciale do të jetë e paanshme dhe do t’i gjykojë vetëm personat e caktuar për krime të caktuara, ka deklaruar kryetarja e Dhomave të Specializuara, Ekaterina Trendafilova, në vizitën e saj të parë në Kosovë. Ajo ka konfirmuar se ende nuk ka asnjë aktakuzë të ngritur ndaj ish-ushtarëve të Ushtrisë Çlirimtare të Kosovës, duke i demantuar njoftimet që jepen kohë pas kohe në media dhe opinion.
Në një adresim të saj para përfaqësuesve të shoqërisë civile, ajo ka dhënë detaje lidhur me funksionimin e kësaj gjykate, duke thënë se arsyeja e vizitës së saj në Kosovë është që të arrihet mirëkuptimi dhe besimi lidhur me punën e gjykatës.
“Dhomat e Specializuara janë themeluar për të adresuar pretendimet për krimet kundër njerëzimit dhe po ashtu edhe krimet e luftës, duke siguruar gjykime të drejta të dhe të paanshme”, ka thënë Trendafilova, sipas të cilës, “Mandati i Dhomave është që të ndiqen dhe të gjykohen rastet kundër individëve dhe jo kundër organizatave apo entiteteve”, citon RE.
Ajo ka shtuar se Dhomat e Specializuara do t’i kushtojnë rëndësi të veçantë mbrojtjes së të drejtave të dyshuarve, viktimave dhe dëshmitarëve të mbrojtur.
Kryetarja e Dhomave të Specializuara të Kosovës, Ekaterina Trendafilova po qëndron në Kosovë me Administratoren e Dhomave të Specializuara, Fidelma Donlon.
E njohur me emrin Gjykata Speciale për krime lufte, mandati i saj përkufizohet kryesisht në hetimet dhe gjykimet e rasteve të pretenduara të krimeve të luftës nga ana e disa ish-pjesëtarëve të Ushtrisë Çlirimtare të Kosovës, ndaj pjesëtarëve të komuniteteve pakicë dhe kundërshtarëve, që përfshinë periudhën kohore nga viti 1998 e deri në fund të vitit 2000.
Ndryshe, dyshimet në këtë gjykatë janë ngjallur kohën e fundit, pasi një gjykatës i EULEX-it ka nxjerr në shesh një numër skandalesh të prokurorëve dhe gjykatësve ndërkombëtarë të cilët kanë gjykuar persona me ndikim të ish UÇK-së, për t’iu përshtatur proceseve politike, kryesisht bisedimeve me Serbinë. E njëri nga gjykatësit e EULEX-it është emëruar edhe gjykatës në Gjykatën Speciale, transmeton Albinfo.Ch.
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore