Tematike
Ushtarët e Zvicrës “diplomatë në uniformë” në mes të shqiptarëve dhe serbëve
Emisioni kryesor informativ i televizionit zviceran SRF, Tagesschau, të hënën ka folur për situatën aktuale në Kosovë, duke e ndërlidhur atë me angazhimin e Zvicrës, gjegjësisht Swisscoy-t zviceran atje
Nga fillimi i këtij viti tensionet në Kosovë kanë shkuar kanë shënuar sërish rritje. Në veçanti gjendja tregohet delikate në veri të Kosovës, ku jetojnë me shumicë serbë të cilët e refuzojnë shtetin e Kosovës, vëren Tagesschau, përcjell albinfo.ch. Për këtë arsye trupat me emërtimin “Liaison Monitoring Teams” (LMT) të udhëhequra nga Swisscoy zviceran kanë për detyrë të masin pulsin e popullatës për të identifikuar konfliktet para se ato të ndodhin dhe që në këtë mënyrë të parandalojnë dhunën.
Gazetarët e emisionit të përmendur kanë përcjellë LMT, që cilësohet edhe si “diplomaci me uniformë në mes të shqiptarëve dhe serbëve” në qytetin e ndarë të Mitrovicës. Eprori i lartë Blaise Pelletier, shef i Swisscoy-t thotë se atje ku kundërshtitë janë veçanërisht të theksuara, vihen në veprim ushtarët zviceranë sepse janë neutralë, përcjell albinfo.ch. Kështu, ata shikohen me sy të mirë”. Dhe kjo, edhe përkundër faktit se Zvicra ka njohur pavarësinë e Kosovën si shtet, thuhet në emision
Aq i madh është besimi për këtë trupë zvicerane sa që, sipas eprorit, po të mos ishin më zviceranët aty, KFOR-i do të detyrohej të riniste ngritjen e këtij besimi.
Më tutje në emision zihet në gojë fakti se në javët e fundit janë ngritur tensionet në mes të Kosovës dhe Serbisë. Në këtë kontekst përmendet nisma e presidentit të Kosovës, Hashim Thaçi për të shndërruar FSK-në, kundër vullnetit të NATO-s, në ushtri të Kosovës përmes një vendimi të parlamentit. Kjo, sipas emisionit, vie në kundërshtim me të gjitha marrëveshjet dhe i bën të çmenden politikanët në Serbi. Mund të konsiderohet se Thaçi me këtë aksion të tij dëshiron të nënvizojë rëndësinë e tij në regjion dhe që t`i “dalë në udhë” një akuze të mundshme në Gjykatën Speciale për krimet e luftës në vitet 1998-1999.
Nga ana tjetër Serbia në janar e kishte nisur nga Beogradi drejt Kosovës një tren me mbishkrimin provokues “Kosova është Serbi”. Kjo mund të konsiderohet si një paralajmërim për ndryshimet gjeopolitike të epokës së Trumpit. SHBA deri tash kanë vazhduar ta mbajnë dorën e tyre mbrojtëse mbi Kosovën, transmeton albinfo.ch. Ndërsa Dhoma e Kantoneve e Parlamentit të Zvicrës ka vendosur sot për vazhdimin e misionit shtarak në një zonë “të minuar shpirtërisht”. Dhe Zvicra ne këtë drejtim i referohet edhe diasporës së madhe kosovare në kuptim të ruajtjes së stabilitetit të Kosovës.
http://www.srf.ch/news/schweiz/swisscoy-schweizer-gelten-als-neutral
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Sa vlen Zvicra për UBS-në? Banka e madhe po bën aktin balancues midis UBS-së zvicerane me këmbë në tokë dhe UBS-së...
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor